Ný spegilsuðuvél hjá Set
Set hefur tekið í notkun nýja og öfluga spegilsuðuvél á Selfossi – tæki sem er það stærsta sinnar tegundar á Íslandi og markar stórt framfaraskref í þjónustu okkar við viðskiptavini.
Nýja vélin gerir okkur kleift að spegilsjóða fittings frá 630 mm upp í 1200 mm, sem stóreykur afkastagetu, sveigjanleika og nákvæmni í verkefnum þar sem unnið er með stórar PE-lagnir. Með þessari tæknibót styrkjum við stöðu okkar sem leiðandi framleiðslufyrirtæki á sviði plast- og lagnaframleiðslu á Íslandi.
„Við tökum stóru verkefnin alvarlega – og með þessari vél getum við sinnt stærri og flóknari verkefnum en nokkru sinni fyrr.“
Vélin opnar nýja möguleika í uppsetningu, framleiðslu og sérlausnum fyrir samgöngumannvirki, vatnsveitufyrirtæki, orkufyrirtæki og fleiri aðila sem treysta á áreiðanlegar og endingargóðar lausnir úr PE-plasti.
Helstu kostir nýju suðuvélarinnar:
- Spegilsuðar frá 630–1200 mm
- Öflugri vinnsluhraði og meiri afköst
- Mjög nákvæm og jafnaro suða fyrir stórverkefni
- Bætt öryggi og áreiðanleiki í öllum verklagsferlum
- Auknir möguleikar í stórum innlendum innviðaframkvæmdum
Sterkari þjónusta – betri lausnir
Með þessari fjárfestingu höldum við áfram að byggja upp innviði Set sem traustan samstarfsaðila í lagnakerfum landsins. Við erum stolt af því að efla framleiðslu á Selfossi og bjóða viðskiptavinum okkar betri og skilvirkari lausnir en áður.
