Set ehf
Hið árlega Set-mót fyrir 6. flokk drengja í knattspyrnu var haldið á Selfossi helgina sem leið, 9.-10. júní. Mótið hefur aldrei verið jafn vel sótt, en um 600 fótboltakappar frá 20 íþróttafélögum tóku þátt. Keppendur létu rigningaveður lítið á sig fá og voru leikirnir spilaðir af miklu kappi, eins og sjá má á meðfylgjandi myndum.
Við þökkum þátttakendum, foreldrum og stuðningsfólki kærlega fyrir góða og skemmtilega helgi.
Samorka, samtök veitufyrirtækja, gengust fyrir fagráðstefnu og sýningu fyrir hita-, vatns- og fráveitusvið á Hótel Örk í Hveragerði dagana 23.- 25. maí sl. Ráðstefnan var afar yfirgripsmikil og fjölmörg góð erindi voru flutt þar um hin ýmsu málefni veitustarfseminnar. Set var með sýningarbás á meðan á ráðstefnunni stóð og tók þátt í viðburðum sem boðið var upp á. Meðal þess var þáttaka í kynningu á samsuðu plaströra. Valdimar Hjaltason kynnti vörur fyrirtækisins ásamt Andreas Heindl frá Rehau AG í Þýskalandi sem sýndi fram á yfirburði PE-Xa plaströra í hitaveitur. Hann gerði það m.a. með rannsóknarstofu-tækjum, svokölluðu MiniLab, og tók samanburð ólíkra plastefna með aflögunar, tog, og brotþolsprófunum undir mismunandi aðstæðum. Set kynnti m.a. ný Elipex Premium sveigjanleg plaströr með innra flutningsröri frá Rehau. Fagþingið í Hveragerði var frábært og vel heppnað framtak hjá Samorku og það var virkilega ánægjulegt að vera hluti af henni.
Set hefur að undanförnu eflt til muna þjónustu við lagnamarkaðinn með nýjum og framsæknum lausnum við frágang samskeyta á foreinangruðum hitaveiturörum. Fyrirtækið hefur kynnt til sögunnar nýja gerð og aðferðir við ytri frágang á hlífðarkápu með samskeytalausn frá sænska fyrirtækinu Mittel. Einnig býður Set upp á einangrun samskeyta með nýjum og fullkomnum tækjum. Set hefur að undanförnu unnið að frágangi á stofnæðum fyrir hitaveitu Selfoss og Norðurorku þar sem þessar tækninýjungar hafa verið nýttar. Báðir þessir nýju og mikilvægu þættir í ytri þjónustu fyrirtækisins eru liður í auknum gæðum vinnu á lagnastað sem ætlað er að auka styrk, einangrunarhæfi og endingu hitaveitukerfa.
Set Pipes GmbH kynnir vörur sínar á ráðstefnu og fagsýningu AGFW Þýska orkusambandsins dagana 17. til 19. apríl nk. en sýningin er haldin í Frankfurt á alþjóðlega sýningarsvæðinu Frankfurt Messe.
Set Pipes GmbH will be presenting it’s products at the AGFW –Energy Efficiency Association for Heating, Cooling & CPH conference and exhibition held at the Frankfurt Messe International Exhibition Area, April 17th-19th 2018.
Die Set Pipes GmbH präsentiert ihre Produkte vom 17. bis 19. April auf der ENEFF 2018, eine der wichtigsten Ausstellungen des AGFW –Energieeffizienzverbandes für Wärme, Kälte und KWK. Diese Messe findet alle zwei Jahre in Frankfurt auf dem Messegelände statt.
Set tók þátt í bresku sýningunni Ecobuild sem haldin var á ExCeL sýningarsvæðinu í London dagana 6. til 8. mars sl. Sýningin er eins og nafnið gefur til kynna fagsýning fyrir byggingariðnaðinn þar sem áhersla er lögð á nýjar byggingaaðferðir og betri orkunýtingu, einangrun bygginga, lagnaefni og umhverfisvænni orkugjafa. Set kynnti foreinangruð stálrör og plaströr fyrir fjarvarmalagnir á sýningunni og vakti nýja Elipex Premium rörið verðskuldaða athygli sýningargesta. Sýningin var í sömu viku og Verk og vit sýningin í Laugardalshöll og er þetta í fyrsta skipti sem Set sýnir á tveimur stöðum á sama tíma.
Guðmundur Þ. Guðmundsson þjálfari íslenska landsliðsins í handknattleik hélt fyrirlestur fyrir stjórnendur í Set þriðjudaginn 13. mars sl. Fyrirlesturinn spannaði vítt svið stjórnunar og mannlegra samskipta, hvernig hámarka má árangur og láta drauma og markmið rætast með réttum aðferðum. Að stjórna úrvalsliði með það að markmiði að vinna gull er ekki ósvipað og að stjórna fyrirtæki sem vill ná árangri. Að allir hafi hlutverk og vinni saman sem liðsheild leiðir til árangurs. Það var ánægjulegt að fá Guðmund til að flytja fyrirlestur sinn fyrir stjórnendahópinn, – mjög lærdómsríkt og hvetjandi.
Þann 8. mars næstkomandi opnar stórsýningin Verk og Vit í Laugardalshöll. Sýningin er stærsta fagsýning ársins þar sem fyrirtæki í byggingariðnaði koma saman og kynna vöruúrval og þjónustu sína. Set mun að sjálfsögðu taka þátt með veglegum bás þar sem við sýnum okkar helstu framleiðsluvörur og lausnir á sviði hitaveitu-, vatns- og fráveitulagna. Sýningin er opin fyrir fagaðila 8.-9. mars og fyrir almenning 10.-11. mars. Nánari upplýsingar er hægt að finna hér.
Við hlökkum til að taka þátt í þessari veglegu og spennandi sýningu og vonumst til að sjá sem flesta í básnum okkar.
Set ehf. er framúrskarandi fyrirtæki árið 2017 fimmta árið í röð og er á meðal 2,2% íslenskra fyrirtækja sem uppfylla skilyrði Creditinfo. Af rúmlega 38.500 skráðum fyrirtækjum á Íslandi uppfylla 862 skilyrði Creditinfo um styrk og stöðugleika.
Stjórnendur og starfsfólk Set er stolt af frammistöðu félagsins á íslenskan mælikvarða því kröfur Creditinfo eru strangar og ekki sjálfgefið að uppfylla þær allar í senn.
Jarðhitaskóli Háskóla Sameinuðu þjóðanna er rekinn á Íslandi af Orkustofnun samkvæmt sérstökum samningi við Háskóla Sameinuðu þjóðanna. Hlutverk skólans er að veita ungum sérfræðingum frá þróunarlöndum, sérhæfða þjálfun í rannsóknum og nýtingu jarðhita. Skólinn er afar mikilvægur þáttur í þróunaraðstoð Íslendinga. Á rúmlega 30 ára starfsferli sínum hefur skólinn útskrifað meira en fimmhundruð nema. Kennarar koma frá ÍSOR, Háskóla Íslands, orkufyrirtækjum og verkfræðistofum, auk Orkustofnunnar. Þeir Lúðvík S. Georgsson forstöðumaður skólans og Páll Valdimarsson, stunda kennari við skólann litu nýlega við í Set með hópinn sem nú er að útskrifast. Hann samanstendur eins og ávallt af nemum víðs vegar að úr heiminum.
Set mótið í knattspyrnu var haldið síðastliðna helgi. Mótið er haldið fyrir 6. flokk drengja og var mótið í ár með með þeim stærstu sem haldið hefur verið á Selfossi. En alls voru tæplega 600 keppendur skráðir til leiks og voru allt að 3000 manns saman komin á vellinum báða dagana. Veðrið lék við mótsgesti alla helgina og má með sanni segja að allir hafi kvatt Selfoss með góðar minningar í farteskinu.
